काठमाडौँ । साता कारोबारको पहिलो दिन आज नेपाल स्टक एक्सचेञ्ज (नेप्से) परिसूचक फेरि उच्च अंकले बढेको छ । 

नेप्से परिसूचक आइतबार ६१ दशमलव ६१ अंक अर्थात् २ दशमलव ५४ प्रतिशतले बढेर २ हजार  ४ सय ८५ दशमलव ९४ को विन्दुमा पुगेको छ  ।  नेप्से उच्च अंकले बढ्दा कारोबार रकम  १५ अर्ब रुपैयाँ नाँघेको छ । 

आज ३ सय १५ कम्पनीको ४ करोड ११ लाख ९५ हजार ५ सय ३४ कित्ता शेयर,  १ लाख ७७ हजार ४ सय ६७ पटक खरिदबिक्री हुँदा  १५ अर्ब २३ करोड ८२ लाख ७१ हजार २ सय ९० रुपैयाँ बराबरको कारोबार भएको छ । व्यापार समूहको उपसूचकमा सबैभन्दा धेरै ६ दशमलव ८० प्रतिशतले बढेको छ । बैंकिङ ३ दशमलव ८६, विकास बैंक एक दशमलव ४१, वित्त एक दशमलव ५१, होटल तथा पर्यटन चार दशमलव २१, जलविद्युत् एक दशमलव ३७ र लगानी समूह २ दशमलव ६८ प्रतिशतले बढेको छ । 

उत्पादन तथा प्रशोधन दुई दशमलव ९७, लघुवित्त एक दशमलव ६१, म्युचुअल फन्ड एक दशमलव ५२, निर्जीवन बीमा शून्य दशमलव ६५ र अन्य समूह तीन दशमलव ३८ प्रतिशतले बढेको छ । युनाईटेड मोदी हाईड्रोपावर लिमिटेड, समता घरेलु लघुवित्त वित्तीय संस्था लिमिटेड र हिमालयन बैंक लिमिटेडको शेयर मूल्यमा आज सकारात्मक सर्किट लागेको छ भने सिक्लेस हाइड्रोपावर लिमिटेडको शेयर मूल्यमा नकारात्मक सर्किट लागेको छ ।

कारोबार रकमका आधारमा आज सबैभन्दा धेरै सोल्टी होटल लिमिटेडको ३४ करोड १० लाख ९६ हजार ३ सय ७ रुपैयाँ बराबरको कारोबार छ । कारोबार भएका शेयर सङ्ख्याका आधारमा आज सबैभन्दा धेरै कुमारी बैंक लिमिटेडको १४ लाख ९० हजार ५ सय ५० कित्ता शेयर किनबेच भएको छ ।