काठमाडौँ ।  प्रधानमन्त्री केपी शर्मा ओलीविरुद्धको रिट सर्वोच्च अदालतले संवैधानिक इजलासमा पठाएको छ । सर्वोच्चले  नेकपा एमाले अध्यक्ष ओलीलाई संविधानको धारा ७६ (२) बमोजिम प्रधानमन्त्री नियुक्त गर्न नमिल्ने भन्दै परेको रिट निवेदनको टुंगो संवैधानिक परिषद्‌बाट लाग्नुपर्ने आदेश गरेको हो ।

सर्वोच्चका न्यायाधीश बालकृष्ण ढकालको इजलासले प्रधानमन्त्रीमा ओलीलाई नियुक्त गर्ने रिटको टुंगो संवैधानिक इजलासबाट गर्नुपर्ने आदेश गरेको हो । न्यायाधीश ढकालको इजलासले ओलीलाई प्रधानमन्त्रीमा नियुक्त गरिएको र त्यसविरुद्ध परेको रिटमा गम्भीर संवैधानिक व्याख्याको अवस्था रहेको भनेको छ । 

प्रस्तुत रिट निवेदनमा उठाइएको विषयवस्तु गम्भीर संवैधानिक व्याख्याको प्रश्न सन्निहित रहेको र त्यसको निरुपण संवैधानिक इजलासबाट हुनुपर्ने प्रकृतिको देखिँदा भन्दै त्यो रिटलाई संवैधानिक इजलासमा पठाउन आदेश गरिएको छ ।