काठमाडौँ । काठमाडौँ न्यूरोडका स्थानीय फुटपाथ बिस्तार कार्य रोक्न प्रर्दशनमा उत्रिएका छन् । 

 फुटपाथ बिस्तार कार्यमा स्थानीयले पुनः अवरोध गरेका छन् । न्यूरोडको फुटपाथ बिस्तारको विरोधमा स्थानीयल उत्रिएपछि उल्लेख्यमात्रामा नेपाल प्रहरी, नगरप्रहरी लगायत तैनाथ गरिएको छ ।

उच्च अदालतले फुटपाथ बिस्तारको बाटो खोलिदिएपछि महानगरपालिकाले बुधबारदेखि पुनः निर्माण कार्य थालेको छ । तर स्थानीयले  फुटपाथ बिस्तार कार्यमा अवरोध गरेका छन् । फुटपाथ बिस्तार कार्यमा स्थानीयल  अवरोध गरेपछि न्यूरोड क्षेत्रमा अहिले ठूलो संख्यामा नेपाल प्रहरी, नगरप्रहरी लगायत तैनाथ गरिएको छ ।

न्यूरोड क्षेत्रमा महानगरपालिका केही महिना अघिदेखि फुटपाथ बिस्तारको प्रयास गरिरहेको छ । तर सडक डिभिजन कार्यालयले न्यूरोडलाई साविककै अवस्थमा राख्न चाहेको छ । स्थानीयले न्यूरोडलाई साविककै अवस्थामा राख्नुपर्ने भन्दै फुटपाथ बिस्तारमा अवरोध गर्दै आएका हुन् । 

न्यूरोडमा फुटपाथ बिस्तार विवालले त्यस क्षेत्रको विकास निर्माण नै प्रभावित भएको छ ।  यसअघि  महानगरले फुटपाथ बिस्ताको लागि भत्काइएको रेलिङ  सडक डिभिजन कार्यालयलेले हस्तक्षेप गरी  तत्कालै पुन गाडेको थियो । सडक डिभिजन कार्यालयले हस्तक्षेप गरेर निर्माण सामान जफत गरी  महानगरपालिकाले काटेको कालोपत्रे  टालेको थियो । 

फुटपाथ बिस्तारमा सडक डिभिजन कार्यालयको हस्तक्षेप गरेपछि  महानगरले त्यसविरुद्ध  उच्च अदालत पाटनमा रिट दिएको थियो ।  रिटमा सुनुवाइ गर्दै उच्च अदालतले शहरी सडक स्थानीय तह मातहतमा रहने भन्दै न्यूरोडमा फुटपाथ विस्तारको काम नरोक्न अन्तरिम आदेश दिएको थियो । उच्च अदालत पाटनका न्यायाधीश ध्रुवराज नन्द र प्रकाश खरेलको संयुक्त इजलासले यस्तो आदेश दिएको हो । 

उच्च अदालतको आदेशपछि  महानगरपालिकाले फुटपाथ बिस्तार कार्य पुन थालेको हो ।