बाँके । सामाजिक सञ्जालको दुरुपयोगका कारण साइबर अपराध सम्बन्धी घटनाको न्यूनीकरणका लागि कोहलपुर नगर स्तरीय युवा क्लबले  साइबर सुरक्षा र एआई सम्बन्धी सचेतना कार्यक्रम कार्यक्रम गरेको छ । 

क्लबको आयोजनामा विद्यार्थीलाई साइबर अपराध र साइबर सुरक्षासम्बन्धी सचेतनामूलक अभिमुखीकरण कार्यक्रम आयोजना गरिएको हो । कार्यक्रममा बोल्दै कोहलपुर नगरपालिकाकी नगर उपप्रमुख संगीता सुवेदीले आधुनिकतामा धकेली रहदा विभिन्न समस्या उत्पन्न भएका कारण यसलाई न्यूनीकरण गर्ने र विद्यार्थीलाई सचेत गराउने उदेश्यले कोहलपुर नगर स्तरीय युवा क्लबसँग समन्वय गरी कार्यक्रमको आयोजना गरिएको बताउनुभयो । 

उपप्रमुख सुवेदीले कोलपुर नगरभित्र किशोरी संञ्जाल गठन गर्ने बताउँदै किशोरीको हरेक समस्यालाई सम्बोधन गर्ने लक्ष्यका साथ नेतृत्व र व्यत्तित्व विाकासका लागि विभिन्न तालिमको आयोजना गरिने प्रतिवद्धता व्यक्त गर्नुभएको छ । 

त्यस अवसरमा बोल्दै सामाजिक विकास समिति संयोजकईश्वरीप्रसाद विश्वकर्माले समाजलाई व्यवस्थित बनाउनको लागि यस्ता खाले सचेतनाका कार्यक्रमले महत्वपूर्ण भूमिका खेल्ने बताउँदै नगर युवा क्लबले गर्ने हरेक कार्यक्रममा आफ्नो साथ रहने बताउनुभयो । 

कार्यक्रमा बोल्दै कोहलपुर नगर स्तरीय युवा क्लबकका अध्यक्ष रमेश वरले साइबर सुरक्षामा विशेष ध्यान बताउनु भयो । ‘साइबर असुरक्षाको जोखिम बढी रहेको छ’, उनले भने ‘जोखिम कम गर्ने एउटै उपाय सचेतना हो ।’ यसमा सबै सचेत हुन पर्ने बताउनु भयो । 

कार्यक्रममा सूचना प्रविधिका विद्यार्थी रवि पंगालीले सहजीकरण गर्दै साइबर सुरक्षा र साइबर अपराधका बारेमा सहभागीलाई जानकारी गराउनु भएको छ । कार्यक्रममा १ सय भन्दा बढी विद्यार्थीको सहभागिता रहेको थियो ।