काठमाडौँ । गायक दीपक बज्राचार्यको रिदम ब्याण्ड , कुटुम्ब ब्याण्ड र गायिका तृष्णा गुरुङले भारतको पश्चिम बंगालस्थित कालिम्पोङमा भब्य साङ्गीतिक प्रस्तुति  दिएका छन्  ।

कालिम्पोङ नगरपालिकाको आयोजनामा गत मंगलबार देखि चलेको ३ दिने ‘कालिम्पोङ म्युनिसिपैलिटी फेस्ट २०२५’ मा पहिलो दिन कुटुम्ब ब्याण्ड  दोस्रो दिन दीपक बज्राचार्यको रिदम ब्याण्ड  र तेस्रो दिन गायिका तृष्णा गुरुङले सांगीतिक प्रस्तुती दिएका हुन् । 

बुधबार दीपक बज्राचार्यको कन्सर्टमा अहिले सम्मकै धेरै दर्शक सहभागी भएको आयोजकले जनाएका छन् । गायक दीपक बज्राचार्य र उनको टिमले करिब २ घण्टा सम्म आफ्ना  १५ र१६ वटा नयाँ र पुरानो गीत मार्फत दर्शकलाई नचाएका थिए । पश्चिम बंगालका नेपालीभाषी क्षेत्रमा सन् १९९१ देखि अहिलेसम्म गायक बज्राचार्यले करिब १५ पटक साङ्गीतिक प्रस्तुति दिईसकेका छन् ।  

त्यस्तै मंगलबारको नेपाली लोक वाद्य ब्यान्ड कुटुम्ब र  बिहिबारको गायिका तृष्णा गुरुङको कार्यक्रममा पनि त्यतिकै दर्शकले मेला अवलोकन  र सांगीतिक प्रस्तुतीमा झुमेका थिए । कालिम्पोङमा अहिले सम्मको ठुलो मेला आयोजना गरिएको आयोजकले जनाएका छ।