मोरङ । विराटनगर  महानगरपालिका –१८भेडियारीस्थित विराट राजाको दरबार सरसफाइ  र रङरोगन गरिएको छ ।
 
स्वदेशी तथा विदेशी पर्यटकलाई दरबार क्षेत्रमा आकर्षित गराउन महानगरपालिकाले सुन्दर र सफा बनाउन  अभियान नै सञ्चालन गरेको हो । त्यो अभियानमा महागनरपालिकाका प्रमुख नागेश कोइराला, उपप्रमुख शिल्पा निराला कार्की, विभिन्न वडाका अध्यक्ष, जनप्रनिधि, नेपाली सेना, नेपाल प्रहरी, सशस्त्र प्रहरीका साथै विभिन्न  सङ्घ संस्थाका  र राजनीतिक दलहका प्रतिनिधिको सहभागिता थियो । 

महानगरप्रमुख कोइरालाले नगरलाई हाम्रो र राम्रो बनाउने उद्देश्यले सरसफाइ तथा सुन्दर बनाउन लागिएको जानकारी दिनुभयो । उहाँले दरबार क्षेत्रकोे  संरक्षणका लागि स्थानीयवासीकोे सहभागिता आवश्यक रहेको धारणा व्यक्त गर्नुभयो । 
 
महानर उपप्रमुख कार्की र वडा नं १८ का वडाअध्यक्ष जीतेन्द्र साहले दरबार क्षेत्रको ठूलो महत्व रहेकोले यस क्षेत्रको वृहत्तर विकासका लागि थप बजेट सङ्घीय सरकारले उपलव्ध गराउनुपर्नेमा जोड दिनुभएको छ।