बागलुङ ।  बान्द्रे खोलामा आएको बाढीले बगाएर बेपत्ता भएका बागलुङ नगरपालिका –४ बान्द्रे अढाइथरका २० वर्षीय कमल सापकोटाको शव फेला परेको छ । सापकोटाको शव फेला परेसँगै मृतकको संख्या ३ पुगेको छ । 

घटनास्थलभन्दा ५ सय मिटर तल सापकोटाको शव फेला परेको  बागलुङका प्रहरी नायव निरीक्षक प्रताप पौडेलले जानकारी दिनुभएको छ । बिहीबार राति १२ बजे आएको बाढीले त्यही वडाको कुँडुलेदेखि मालिका जाँदै गरेको ध २ प ८०१० नम्बरको मोटरसाइकल र ध १ प ९९९६ नम्बरको स्कुटर बगाएको हो। 

मोटरसाइकल र स्कुटर बगाउँदा मुत्यु भएका बान्द्रे अढाइथरका २३ वर्षीय अर्जुन सापकोटा र २२ वर्षीय अविशेक रेग्मीको शव रातिनै घटनास्थलदेखि  २सय मिटर तलबाट उद्दार गरी धौलागिरी अस्पतालमा लगिएको प्रहरी निरीक्षक प्रताप पौडेलले जानकारी दिनुभयो ।

आज बिहान फेला परेका सापकोटाको शव पनि पोस्टमार्टमका लागि धौलागिरी अस्पताल ल्याइएको उहाँले जानकारी दिनुभयो ।