काठमाडौँ । रूसको कुर्स्क क्षेत्रमा स्थानीय तहको निर्वाचन स्थगित भएको छ । 

रूसले युक्रेनी सेनाले २ साताअघि आक्रमण शुरु गरेको कुर्स्क क्षेत्रका सात नगरपालिकाको निर्वाचन स्थगित गर्ने घोषणा गरेको थियो । तर रूसी निर्वाचन आयोगले बुधबार टेलिग्राममार्फत मतदान स्थगित गरिएको जानकारी गराएको छ ।

निर्वाचन आयोगले ‘मतदाताको सुरक्षाको पूर्ण प्रत्याभूति’ भएपछि त्यहाँ मतदान हुने बताएको छ तर अर्को सातादेखि शुरु हुने क्षेत्रीय गभर्नरको निर्वाचन बाँकी क्षेत्रमा योजनाअनुसार नै हुने जनाएको छ ।

पछिल्लो दुई सातामा युक्रेनले रूसको कुस्र्क क्षेत्रमा आफ्नो रूस विरूद्धको प्रत्याक्रमणलाई सुसङ्गठित गर्दै सहयोगी मुलुकबाट प्राप्त हतियारको बलमा आक्रमण शुरू गरेको छ । रूसले कुर्स्क क्षेत्रमा आक्रमणबाट नागरिकको क्षति नहोस् भनी आफ्ना नागरिकलाई सुरक्षित स्थलमा सारिसकेको जनाएको छ ।