काठमाडौँ । प्रधानमन्त्री कप राष्ट्रिय टि ट्वान्टी महिला क्रिकेट प्रतियोगितामा कोशी प्रदेशले मधेस प्रदेशलाई जितको लागि १ सय ३० रनको चुनौती दिएको छ । 

कीर्तिपुरस्थित त्रिभुवन विश्वविद्यालयको क्रिकेट मैदानमा जारी खेलमा कोशी प्रदेशले निर्धारित २० ओभरमा चार विकेट गुमाउँदै १२९ रनको योगफल बनाएको हो ।  कोशीका लागि कप्तान रुबीना क्षेत्रीले सर्वाधिक ५७ रनको योगदान दिइन् । उनले ६४ बल खेल्दै नौ चौकाको मद्दतमा ५७ रनको योगदान गरेकी हुन् ।

अप्सरी बेगमले ३९ रन बनाइन् । उनले ४१ बलमा ७ चौकाको मद्दतमा ३९ रन बनाएकी हुन् । सबनम राईले अविजित १६ रन जोडिन् । उनले ८ बलमा २  चौकाको सहायताले १६ रन जोडेकी हुन् । 

लकिता राजबंशीले ६ तथा नमिता श्रेष्ठले अविजित २ रन बनाइन् ।  बलिङतर्फ मधेश प्रदेशकी मीना महतोले २ विकेट लिइन् भने पूजा महतो र सरस्वती चौधरीले १ विकेट झारिन् । मधेश प्रदेस अहिले जवाफी ब्याटिङमा उत्रेको छ ।