बागलुङ ।  बागलुङको निसीखोलामा भएको बस दुर्घटनामा परी जीवन गुमाउनेको संख्या ८ पुगेको छ । 

रुकुम पूर्वबाट काठमाडौँका जाँदै गरेको बागमती प्रदेश ०१–००६ ख ३८७९ नम्बरको बस सोमबार साँझ बागलुङको निसीखोला गाउँपालिका–६ स्थित जाउलेपानीमा दुर्घटना भएको दुर्घटना भएको हो । दुर्घटनामा चारजना पुरुष र चार महिलाको मृत्यु पुष्टि भएको इलाका प्रहरी कार्यालय बुर्तिबाङले जानकारी दिएको छ । 

बुर्तिबाङका प्रमुख राजकुमार विकका अनुसार  दुर्घटनामा मृत्यु भएकाको शव सङ्कलन भइरहेको छ । दुर्घटनामा २४ जना घाइते भएका छन् । घाइतेमध्ये २३ जनाको अवस्था गम्भीर रहेको जनाउँदै दुईजनाको अवस्था सामान्य रहेको प्रहरी निरीक्षक विकले जानकारी दिनुभयो । बस सडकबाट करिब ३ सय मिटर तल खसेको छ । 

प्रहरी निरीक्षक विकले भन्नुभयो, “घाइते र मृत्यु भएकामध्ये कसैको पनि पहिचान हुन सकेको छैन, घाइतेकोे उद्धार गरेर अस्पताल पठाइएका छाँै, अहिले हामीहरु घटनास्थलमै छौँ, शव सङ्कलन गर्ने क्रममा छौँ, घाइतेमध्ये अधिकांश अवस्था ‘क्रिटिकल’ छ ।”