मोरङ । कोशी प्रदेशमा नो केवलकार समूहलाई वार्तामा आउन आह्वान गरिएको छ । प्रदेश सरकाले गठन गरेको वार्ता टोलीले नो केवलकार समूहलाई छलफलमा आउन आह्वान गरेको हो ।

सरकारी वार्ता टोलीको मंगलबारको बैठकले प्रदेशमा आन्दोलनरत नो केवलकार समूहलाई वार्तामा आउन आह्वान गरेको हो ।

ताप्लेजुङको पाथिभरा क्षेत्रमा शनिबार प्रहरी र केबलकार विरोधी समूहबीच झडप भएको थियो । झडपमा प्रहरीले चलाएको गोली लागेर २ जना र लाठी प्रहारबाट १ जना गम्भीर घाइते भएका छन् । उनीहरुको शिक्षण अस्पताल काठमाडौँमा उपचार भइरहेको छ । झडपमा २१ प्रहरी घाइते भएका छन् ।

घटनापछि  प्रदेश सरकारले आर्थिक मामिला तथा योजनामन्त्री रामबहादुर रानाको संयोजकत्वमा भौतिक पूर्वाधार विकास तथा स्वास्थ्य मन्त्री भुपेन्द्र राई, आन्तरिक मामिला तथा कानुन मन्त्री  रेवतीरमण भण्डारी र आन्तरिक मामिला तथा कानुन मन्त्रालयका सचिव कमल थापासहितको  टोली बनाएको हो । 

प्रदेशका आन्तरिक मामिला तथा कानुनमन्त्री भण्डारीले विवाद समाधानको लागि वार्तामा आउन आह्वान गरिएको बताउनुभयो ।