विराटनगर । अदालतले प्रतिनिधिसभाको सार्वजनिक लेखा समितिका सभापति ऋषिकेश पोखरेलका पूर्वस्वकीय सचिव अनिलकुमार पोखरेललाई ५ लाख धरौटीमा छाड्ने आदेश दिएको छ ।

अनिलकुमार पोखरेललाई  जिल्ला अदालत मोरङले  धरौटीमा छाड्ने आदेश दिएको हो ।न्यायाधीश चित्रबहादुर गुरुङको इजलासले पोखरेललाई ५ लाख धरौटीमा छाड्ने आदेश दिएको हो ।

मोरङ अदालतका सूचना अधिकारी हेमबहादुर बुढाथोकीका  पोखरेलविरुद्ध बुधबार ठगी मुद्दा दायर भएको उनलाई धरौटीमा छाड्ने आदेश भएको मोरङ अदालतका सूचना अधिकारी हेमबहादुर बुढाथोकीले जानकारी दिनुभएको छ । 

सूचना अधिकारी .बुढाथोकीका बिहीबार बयान र थुनछेक बहसपछि पोखरेलललाई ५ लाख रुपैयाँ धरौटीमा छाड्ने आदेश भएको हो । 

पोखरेलमाथि पार्टीको कोटामा एमबीबीएसमा नाम निकालिदिने भन्दै सप्तरीको अग्निसाइर कृष्णासवरन गाउँपालिका–५ का बौआलाल चौधरीसँग ३८ लाख ८० हजार रुपैयाँ ठगी गरेको आरोप छ ।

पोखरेल  यही प्रकरणमा गएको २५ पुसमा पक्राउ परेका हुन् ।