काठमाडौँ । कास्की जिल्ला अदालतको आदेशपछि पोखराबाट धरौटीमा छुटेका राष्ट्रिय स्वतन्त्र पार्टी (रास्वपा) का सभापति रवि लामिछाने काठमाडौँबाट फेरि पक्राउ परेका छन् । कास्कीबाट बिहीबार साँझ रिहा भएका लामिछानेलाई प्रहरीले आइतबार काठमाडौँबाट फेरि हिरासतमा लगेको हो । 

लामिछानेलाई काठमाडौँ जिल्ला अदालतमा आइतबार थुनछेक बहस नसकिएपछि प्रहरी परिसर, काठमाडौंको हिरासतमा लगिएको हो ।लामिछानेलाई आज भद्रकालीस्थित प्रहरी परिसरको हिरासतमा राखिने प्रहरीले स्रोतले जानकारी दिएको छ ।.सोमबार पुनः अदालत पेश गर्नेगरी लामिछानेलाई प्रहरीको जिम्मा लगाइएको हो ।

बिहीबार कास्कीको सूर्यदर्शन सहकारी ठगीमा धरौटीमा रिहा भएका लामिछानेविरुद्ध काठमाडौंको स्वर्णलक्ष्मी सहकारी ठगीमा मुद्दा दर्ता भएको थियो । त्यही मुद्दाको बयानका लागि लामिछाने आइतबार आफैं अदालत हाजिर भएका थिए । रास्वपा अनुशासन आयोगका पूर्वउप्रमुख समेत रहेका अधिवक्ता यज्ञमणी न्यौपानेका अनुसार आज थुनछेक बहस नभएपछि इजलासबाट प्रहरीकै जिम्मा लगाउने आदेश भएको हो ।