काठमाडौँ । प्रधामन्त्री केपी शर्मा ओली र पूर्वप्रधानमन्त्री तथा नेपाली कांग्रेसका सभापति शेरबहादुर देउवाविरुद्ध  नाराबाजी गरेको आरोपमा ३ जना पक्राउ परेका छन् । 

गौरा पर्वको अवसरमा टुँडिखेलमा सोमबार आयोजित कार्यक्रमका अतिथी प्रधानमन्त्री ओली र देउवाविरुद्ध केही युवाले  नाराबाजी  गरेका थिए ।  प्रधानमन्त्री ओली र देउवाविरुद्ध  तुच्छ शब्दमा नाराबाजी  गर्नेहरु सुर्खेतका बुसद्धराम जैसी, अछामका रामबहादुर बुढा र कन्चनपुरका दीपक सिंह ठगुन्नालाई पक्राउ गरिएको जिल्ला प्रहरी परिसर काठमाडौँका प्रवक्ता तथा एसपी नवराज अधिकारीले जानकारी दिनुभएको छ । 

एसपी  अधिकारीका अनुसार जैसी र बुढालाई मंगलबार साँझ र ठगुन्नालाई बुधबार पक्राउ गरिएको हो  । प्रहरीले पक्राउ परेकाहरु उनीविरुद्ध सार्वजनिक शान्ति हितविरुद्धको कसुर अन्तरगत कारबाही तयारी गरेको छ ।