काठमाडौँ ।  साता कारोबारको दोस्रो दिन शेयरबजार उच्च अंकले कमी आएको छ  । 

आइतबार ७९ दशमलव ८८ अंकले ओरालो लागेको नेप्से परिसूचक आज १ सय ११ दशमलव ९६ अंकले घटेर २ हजार ७ सय ८२ दशमलव ६० को बिन्दुमा अडिएको छ ।

नेप्से परिसूचक ३ दशमलव ८६ प्रतिशतले घटेको हो । आज ३ सय ३० कम्पनीको ४ करोड ३८ लाख ६८ हजार ९ सय ७० कित्ता शेयर,  दुई लाख ३४ हजार ३ सय ६० पटक खरिदबिक्री हुँदा  १८ अर्ब ६४ करोड ९५ लाख ३३ हजार १ सय ७० रुपैयाँ बराबरको कारोबार भएको छ ।

होटल तथा पर्यटन समूह शून्य दशमलव ४३ प्रतिशतले बढेको छ । अरु सबै समूहको उपसूचक घटेको छ । सबैभन्दा धेरै बैंकिङ चार दशमलव ९२, विकास बैंक चार दशमलव १८, वित्त चार दशमलव ६९ र लगानी समूह चार दशमलव १३ प्रतिशतले घटेको छ । 

जलविद्युत् तीन दशमलव ९६, जीवन बीमा तीन दशमलव ६५, उत्पादन तथा प्रशोधन दुई दशमलव ९३, लघुवित्त दुई दशमलव ९६, म्युचुअल फन्ड एक दशमलव ०९, निर्जीवन बीमा दुई दशमलव ४५, व्यापार दुई दशमलव १६ र अन्य समूह तीन दशमलव ८५ प्रतिशतले घटेको छ ।

तारागाउँ रिजेन्सी होटल लिमिटेड, आत्मनिर्भर लघुवित्त वित्तीय संस्था लिमिटेड र दोल्ति पावर कम्पनीको शेयर मूल्यमा सकारात्मक सर्किट लागेको छ भने नेपाल फाइनान्स लिमिटेडको शेयर मूल्यमा नकारात्मक सर्किट लागेको छ । 

कारोबार रकमका आधारमा आज सबैभन्दा धेरै हिमालयन रिइन्स्योरेन्स लिमिटेडको ् ६५ करोड ४२ लाख ९ हजार ५ सय ८२ रुपैयाँबराबरको कारोबार भएको छ । कारोबार भएका शेयर सङ्ख्याका आधारमा भने अपि पावर कम्पनी लिमिटेडको १४ लाख ५९ हजार ४ सय ५० बराबरको कारोबार भएको छ ।