काठमाडौँ । नेकपा (एकीकृत समाजवादी) को केन्द्रीय कमिटी बैठक आज पनि जारी छ । थापागाउँस्थित अर्पण बैंक्वेटमा जारी बैठकमा पदाधिकारी चयनबारे छलफल भइरहेको छ । 

एकीकृत समाजवादीमा पदाधिकारी चयन सहमतिबाटै गर्ने कि चुनावै गराउने भन्ने छलफल छ।

केही नेताहरूले नेतृत्व सहमतिबाट टुंग्याएकाले बाँकी पदाधिकारी पनि सर्वसम्मत नै टुंग्याउनुपर्ने राय राखेका छन्।  तर पदाधिकारीको आकांक्षी धेरै भएकाले चुनाव नै उत्तम विधि हुन सक्ने तर्क पनि केही नेताहरूको छ।

यसबारे अहिले प्रदेशका पदाधिकारीसँग पनि राय लिइने काम भएरहेको छ । 

एकीकृत समाजवादीमा १ अध्यक्ष, १ सम्मानित नेता, वरिष्ठसहित ७ उपाध्यक्ष, १ महासचिव, ४ उपमहासचिव, ७ सचिव रहने व्यवस्था छ। जसमा अध्यक्ष माधवकुमार नेपाल, सम्मानित नेता झलनाथ खनाल, महासचिव घनश्याम भूसाल महाधिवेशनको हलबाट निर्वाचित हुनुभएको थियो । बाँकी १८  पदाधिकारी यो बैठकबाट चयन गर्ने एकीकृत समाजवादीले तयारी गरिरहेको छ ।