मोरङ ।  विराटनगरको शहीद रङ्गशालामा ‘विराट गोल्डकप’ फुटबल प्रतियोगिताअन्तर्गतका बिहीबार भएको दोस्रो क्वाटर फाइनल खेलमा  नेपाल पुलिस क्लब विजयी भएको छ ।

विराट गोल्डकप ट्रष्टद्वारा आयोजित  प्रतियोगितामा पुलिस क्लबले सशस्त्र प्रहरीको एपिएफ एफसीलाई २–० गोलले पराजित गरेको छ । 

प्रतियोगिताको मध्यान्तरपछि नेपाल पुसिल क्लबका जर्सी नम्बर २१ का अरूण गाहाले ६६ मिनेट र जर्सी नम्बर ९ का मनिष सेढाईँले ८७ मिनेटमा एक–एक गोल गरी आफ्नो क्लबलाई सेमिफाइनलमा पु-याउन सफल भएका छन् । खेलको म्यान अफ दी म्याच भएका  पुलिस क्लबका मनिष सेढाईँले  ११ हजार रुपैयाँ प्राप्त गरेका छन् ।

आजको खेल साविक विजेता मच्छिन्द्र फुटबल क्लब र पूर्वविजेता थ्रीस्टार क्लबबीच साँझ ६ः३० बजे हुने ट्रष्टले जनाइएको छ । प्रतियोगितामा  भारतका दुई र नेपालका विभागीय टिमसहित १० टिम सहभागी छन् ।

प्रतियोगितको विजेतालाई ११ लाख, उपविजेतालाई ५ लाख, उत्कृष्ट प्रशिक्षक, उत्कृष्ट गोलरक्षक र सर्वाधिक गोलकर्तालाई  जनही  १५ हजार, दैनिक हुने खेलको उत्कृष्ट खेलाडीलाई  ११ हजार र सर्वोत्कृष्ट खेलाडीलाई  ५१ हजार रुपैयाँ पुरस्कार दिइने प्रबन्ध गरिएको आयोजकले जनाएको छ ।