काठमाडौँ । उत्तरपश्चिम टर्कीएको एउटा होटलमाआगलागी हुँदा जीवन गुमाउने ७६ पुगेको छ । होटलमा भीषण आगलागी हुँदा कम्तीमा ७६ जनाको मृत्यु हुनुको साथै अन्य ५१ जना घाइते भएको त्यहाँको गृहमन्त्रालयले जनाएको छ । 

होटलमा भीषण आगलागी हुँदा कम्तीमा ७६ जनाको मृत्यु हुनुको साथै अन्य ५१ जना घाइते भएको त्यहाँको गृहमन्त्रालयले जनाएको छ । टर्कीएका गृहमन्त्री अली येर्लिकायाले मारिनेमा धेरै बालबालिका रहेको बताउनुभयो । अधिकारीहरूले अहिलेसम्म ५२ जनाको मृत्यु भएको पहिचान गरेका छन् ।

सीएनएनका अनुसार पीडितमध्ये १० देखि ११ वर्षका धेरै बालबालिका छन् ।घटनापछि गृहमन्त्रीले पत्रकारहरूलाई भन्नुभयो– ‘हामी गहिरो पीडामा छौं । दुर्भाग्यवश यस होटलमा भएको आगलागीमा हामीले ६६ जनाको ज्यान गुमाएका छौं ।’

टर्कीएका राष्ट्रपति रेसेप तैयप एर्दोगानले बुधबार शोकको दिन घोषणा गर्नुभयो । ‘यो शोकको दिन हो’ उहाँले सामाजिक सञ्जाल एक्समा उल्लेख गर्नुभयो । उहाँले दोषी जो कोही भए कारबाही हुने समेत बताउनुभयो ।

टर्कीए सरकारले होटलमा भएको घातक आगलागीको अनुसन्धान शुरु गरेको छ । न्याय मन्त्री यिलमाज टुन्च र आन्तरिक मन्त्री अली येर्लिकायाका अनुसार कम्तीमा ९ जनालाई पक्राउ गरिएको बताउनुभयो ।

आगलागी हुँदा करिब २ सय ३४ जना पाहुना होटलमा बसिरहेका थिए । एजेन्सी