काठमाडौँ । पूर्वउपप्रधानमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछानेबारे स्वर्णलक्ष्मी सहकारीको बचत रकम हिनामिना प्रकरणमा काठमाडौँ जिल्ला अदालतमा थुनछेक बहसपछि सुनुवाइ सकिएको छ ।

सरकारी वकिलहरूको बहस, जाहेरकर्ताका कानुनव्यवसायीहरूको बहस, रविका पक्षको बहस, सरकारी वकिलहरूको जवाफी बहसपछि सुनुवाइ सकिएको हो ।

स्वर्णलक्ष्मी सहकारी  प्रकरणमा बुधबार लामिछानेको पक्षबाट वरिष्ठ अधिवक्तादवय सुशील पन्त र रमण श्रेष्ठले बहस गर्नुभएको थियो । पन्त र श्रेष्ठले इजलासमा।लामिछानेलाई छाड्नुपर्ने तर्क प्रस्तुत गर्नुभएको छ । पन्त र श्रेष्ठ दुवै पूर्वमहान्यायाधिवक्ता हुनुहुन्छ । यही प्रकरणमा यसअघि सोमबार रविविरुद्ध सरकार र जाहेरवालाका तर्फका वकिलहरूले बहस गरेका गर्नुभएको थियो । 

कास्की जिल्ला अदालतको आदेशपछि गएको बिहीबार ६५ लाख रुपैयाँ धरौटीमा रिहा हुनुभएका लामिछाने आइतबार आफैँ  काठमाडौँ अदालतमा उपस्थित हुनुभएको थियो । लामिछानेलाई त्यसपछि काठमाडौँ प्रहरी परिसरको हिरासतमा राखेर बहसको बेला अदालतमा उपस्थित गराउने गरिएको छ ।