काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले यस पटकको माघे सङ्क्रान्ति प्रहरी हिरासतमै मनाउनु हुने भएको छ ।

काठमाडौँस्थित स्वर्णलक्ष्मी सहकारीको बचत हिनामिना प्रकरण मुद्धामा थुनछेक बहस नसकिएपछि नसकिएपछि पूर्वउपप्रधानमन्त्री तथा गृहमन्त्री लामिछानेले  माघे सङ्क्रान्ति प्रहरी हिरासतमै मान्नुपर्ने अवस्था आएको हो । 

पोखराको सूर्यदर्शन सहकारीको बचत रकम अपचलन मुद्दामा कास्कीबाट ६५ लाख रुपैयाँ धरौटी बुझाएर गएको बिहीबार रिहा हुनुभएका लामिछानेको स्वर्णलक्ष्मी सहकारीे प्रकरणमा काठमाडौँ जिल्ला अदालतमा थुनछेक बहस  चलिरहेको छ । 

थुनछेक बहसको लागि लामिछाने आइतबार काठमाडौं जिल्ला अदालतमा आफैँ उपस्थित हुनुभएको थियो । तर बहस नसकिएपछि अदालतले उहाँलाई न्यायिक हिरासतमा राख्न आदेश दियो । यसअघि ८४ दिन थुनामा रहनुभएका लामिछानेलाई त्यहीकारण  फेरि काठमाडौं प्रहरीको हिरासत राखिएको हो । सोमबारको थुनछेक बहस नसकिएपछि लामिछानेलाई अलदालतले फेरि पर्सि (बुधबार)को लागि बोलाएको छ । लामिछानेलाईलाई कम्तीमा त्यस अवधिसम्म प्रहरी हिरासतमै राखिने भएको छ । 

माघे संक्रान्तिको अघिल्लो दिनदेखि पौष शुक्ल पूर्णिमा अर्थात् स्वस्थानी व्रतकथा शुरु भएको छ । लामिछानेले स्वस्थानी व्रतकथा अदालतमै सम्झिनुपर्ने स्थिति बन्यो ।  थुनछेक बहसको लागि अदालतको इजलासमा उपस्थित हुने क्रममा लामिछानेलाई पत्नी निकिता पौडेलले रातो टीका लगाइदिनुभया ।  पत्नी निकिताले लामिछानेलाई .आजबाट माघ स्नान एवम् स्वस्थानी व्रत आरम्भको रातो टीका लगाइदिनुभएको हो ।