काठमाडौँ । पछिल्लो २४ घण्टादेखि प्रधानमन्त्री केपी शर्मा ओलीविरुद्ध सामाजिक संजाल फेसबुकमा अनफलो अभियान चलाइएको छ । हिजो बिहान सम्म ६ लाख ६२ हजार फलोअर रहेका प्रधानमन्त्री ओलीको पेजमा यो समाचार तयार पार्दा सम्म फलोअर घटेर ६ लाख १ हजार पुगेका छन् । अनफलो अभियान चलेको २४ घण्टा बित्न नपाउँदै प्रधानमन्त्री ओलीका फलोअर ६१ हजारले घटेका हुन् । 

काठमाडौँ महानगरका प्रमुख बालेन शाहका समर्थकहरूले प्रधानमन्त्री ओली विरुद्ध अनफलो अभियान चलाइरहेका हुनसक्ने आशंका गरिएको छ । विगत केहि समयदेखि सामाजिक सञ्जालमा बालेन र एमालेबिच द्धन्द्ध देखिएसँगै अनफलो अभियान चलेको स्रोतको दावी छ । 


बालेन शाहको एमाले सांसदविरुद्ध लेखेको एक पोस्ट सरकारले हटाइदिएको आरोप लगाउँदै उनका समर्थकले यस्तो अभियान चलाएका हुन् ।  आफ्नो पोस्ट फेसबुकबाट गायब भएपछि बालेनले लेख्नुभएको थियो–‘पोस्ट उडाउने हैन, दोषी समाऊ सरकार । म गलत हो भने मलाई समाऊ, हैन भने दोषी समाऊ ।’