कास्की । गण्डकी प्रदेशको भौतिक पूर्वाधार तथा यातायात व्यवस्था मन्त्रालय एमालेलाई दिएर वन तथा वातावरण मन्त्रालयको जिम्मेवारी पाउनुभएका मन्त्री दीपक मनाङेले असन्तुष्टि जनाउँदै राजीनामा दिने चेतावनी दिनुएको छ । 

मुख्यमन्त्री सुरेन्द्रराज पाण्डेले मनाङेलाई भौतिक पूर्वाधार तथा यातायात व्यवस्था मन्त्रालयबाट हटाएर वन तथा वातावरण मन्त्रालयको जिम्मेवारी दिनुभएको छ । 

कम प्रभाव भएको मन्त्रालय दिएको र वरीयता पनि घटाइएको भन्दै मनाङेले असन्तुष्टि जनाउँदै राजीनामा दिने बताउनुभएको छ । उहाँलाई छैठौं वरीयतामा राखिएको छ । यसअघि ५ जनामन्त्री हुँदा उहाँ तेस्रो नम्बर वरीयतामा हुनुहुन्थ्यो ।

मन्त्रीहरुको शपथ ग्रहण कार्यक्रममा गएपनि कम प्रभाव भएको मन्त्रालय दिएको र वरीयता पनि घटाइएको भन्दै मनाङे कार्यक्रमस्थलबाट रिसाउँदै निस्किनुभएको थियो । मनाङे मन्त्री रहेको भौतिक पूर्वाधार मन्त्रालयको जिम्मेवारी एमालेका प्रकाशबहादुर केसीले पाउनुभएको छ ।