बारा । बाराको अमलेखगन्जमा बुधबार बिहान बस र ट्रक एकआपसमा ठोक्किएर दुर्घटनाहुँदा ३ जनाको मृत्यु भएको छ । दुर्घघटनामा २७ जना घाइते भएको प्रहरीले जनाएको छ । 

काकड्भिट्टाबाट काठमाडौँ जाँदै गरेको बा ३–००१ ख २५८७ नम्बरको बस र हेटौडाबाट पथलैयातर्फ आउदै गरेको ना ७ ख ७३०० नम्बरको ट्रक बुधबार बिहान करिब २ बजे बाराको अमलेखगन्जमा एक आपसमा ठोक्किएका थिए ।

दुर्घटनामा परि ट्रक चालक तनहुँ घर भएका २८ वर्षीय पूर्ण गुरुङ, मकवानपुर हेटौँडाका बस चालक ४० वर्षीय हरि शमशेर सुयाल थापाको मृत्यु भउको छ । मृत्यु भएका अर्का एक जना पुरुषको सनाखत हुन सकेको छैन । 

दुर्घटनामा घाईते उनीहरूको उपचारका क्रममा हेटौँडा सरकारी अस्पतालमा मृत्यु भएको हो । घाइतेमध्ये ७ जनाको अवस्था गम्भीर रहेकोले उपचारका लागि हेटौडा तथा चितवन मेडिकल कलेज पठाइएको र अन्य २० जना सामान्य घाइतेको स्थानीय अस्पतालहरूमा उपचार भइरहेको प्रहरीले जनाएको छ ।