काठमाडौँ । ललितपुर महानगरपालिकाले १०५ औं स्थापना दिवसको अवसरमा आयोजित कार्यक्रममा प्रधानमन्त्री पुष्पकमल दाहाल प्रचण्ड र काठमाडौँ महानगरपालिकाका प्रमुख बालेन शाहबीच नोकझोक भएको छ । 

प्रमुख अतिथिको रुपमा प्रधानमन्त्री पुष्पकमल दाहाल प्रचण्डले मन्तव्य राख्नुभन्दा पहिला काठमाडौँ महानगरपालिकाका प्रमुख बालेन शाहले आफुले गरेको काममा प्रदेश र संघ सरकारले भाँजो हालेको भन्दै आक्रोश पोख्नुभएको थियो । पाँच मिनेटदेखि एक घण्टामा हुने काममा पनि प्रदेश र संघीय सरकारले सहयोग  नरेको भन्दै  प्रधानमन्त्रीसँग आक्रोश पोखेर उहाँ मञ्चबाट हिँड्नु भएको थियो । 

बालेन हिडेको केहि समय पछि प्रधानमन्त्री प्रचण्डको बोल्ने पालोआयो । कार्यक्रममा प्रधानमन्त्री प्रचण्डले बालेनको व्यवहारप्रति रुष्ट हुँदै उहाँको व्यवहारले आफूलाई इरिटेसन भएको अभिव्यक्ति दिनुभयो । 

आफूमाथि आरोप लगाउने अनि प्रमुख अतिथिले बोलेको सुन्दै नसुनि हिँडेको भन्दै प्रधानमन्त्री प्रचण्ड झोक्किनु भएको थियो । प्रधानमन्त्रीले यस्तो आक्रोश पोखिँरहँदा मञ्चमा आसिन अन्य अतिथि र सहभागीहरू मज्जाले हाँसेका थिए । खासमा मेयर बालेनले मञ्चबाट पाँचदेखि एक घण्टामा हुने काम पनि सरकारले नगरेर अल्झाएको आरोप लगाएपछि प्रधानमन्त्री प्रचण्ड बालेनसंग रुष्ट बन्नुभएको थियो । 

‘बालेन्द्रजी हिँडिहाल्नुभयो । मलाई फेरि पहिला बोलेर हिँडिहाल्नेसँग पनि अलिअलि इरिटेसन हुन्छ । आफूले जे–जे भन्नु छ भनिहाल्ने अनि त्यसको जवाफ सुन्नका लागि बस्दै नबस्ने हुनुहुँदैन । बस्नुपर्छ प्रमुख अतिथिले बोल्ने बेलासम्म’, बालेनसँग झोक्किँदैन प्रचण्डले भन्नुभयो, ‘उहाँले भन्नुभयो, यहाँबाट निस्कने वित्तिकै हुन्छ । बालेन्द्रजी चाहे तपाईंले बागमतीको किनारमा बसेकामथि हस्तक्षेपको कुरा होस् वा तीनकुनेको मुआब्जाको विषय होस्, चाहे काठमाडौँ उपत्यकाभित्र फोहोर व्यवस्थापनका लागि मिलेर काम गर्ने सम्बन्धमा सिंहदरबारमा कति पटक बैठक भयो रु के अहिलेको प्रधानमन्त्रीको जत्तिको सकारात्मक, रचनात्मक रुपले समस्या समाधान गर्न समन्वय गरेको अन्य कोही कतै देख्नुभएको छ रु’ 

तपाईँ काठमाडौं महानगरपालिकाको मेयर भएका नाताले काठमाडौँ र ललितपुरका अन्य पालिकाकासँग समन्वय गर्न बढी जिम्मेवारी छ । म तपाईंलाई सहयोग गर्छु भनेर गरेका कुरा रिकजनाइज गर्न  केले  रोक्यो रु प्रधानमन्त्रीले बल गरिराखेको छ भन्न केले रोक्यो रु  यतिको प्रधानमन्त्री पाउन अरु पाउन सक्नुहुन्छ रु मैले गरेको कामको रिकजनाइज गर्न तपाईँलाई केले रोक्यो रु’