काठमाडौँ ।  पूर्वगृहमन्त्री एवं राष्ट्रिय स्वतन्त्र पार्टीका सभापति रवि लामिछानेलाई काठमाडौँले जिल्ला अदालत ६० लाख रुपैयाँ धरौटीमा छाड्न आदेश दिएको छ । 

लामिछानेलाई काठमाडौँँ अदालतले स्वर्णलक्ष्मी सहकारीको बचत हिनामिना प्रकरण धरौटीमा छाड्न आदेश दिएको हो । सहकारी ठगी मुद्दाको थुनछेक बहसपछि न्यायाधीश माधवप्रसाद अधिकारीले इजलासले  लामिछानेला ६० लाख रुपैयाँ धरौटी लिएर छाड्न आदेश दिएको हो। 

काठमाडौंको कालीमाटीस्थित स्वर्णलक्ष्मी बहुउद्देश्यीय सरकारी संस्थाको रकम अपचलन गरेको अभियोगमा लामिछानेसहित ३९ जनालाई प्रतिवादी बनाइएको छ । आदेशपछि लामिछाने पक्षले जिल्ला अदालत काठमाडौंमा धरौटी बुझाउने तयारी गरिरहेको छ ।

लामिछाने सूर्यदर्शन सहकारी ठगी प्रकरणमा कास्की जिल्ला अदालतमा ६५ लाख रुपैयाँ धरौटी बुझाएर गत बिहीबार मात्र छुटेका हुन्  । लामिछानेलाई सहकारी ठगी प्रकरणमा त्यसअघि ८४ दिन प्रहरी हिरासतमा राखिएको थियो ।