बागलुङ ।  बागलुङमा  बाढीले मोटरसाइकल  र स्कुटर   बगाउँदा २ जनाको मृत्यु भएको छ । घटनामा १ जना बेपत्ता भएका छन् ।

बागलुङ नगरपालिका– ४ बान्द्रे खोलामा बिहीबार राति आएको बाढीले  कुँडुलेदेखि मालिका जाँदै गरेको ध २ प ८०१० नम्बरको मोटरसाइकल र ध १ प ९९९६ नम्बरका स्कुटर बगाएको हो ।

मोटरसाइकल र स्कुटर बगाउँदा बागलुङ –४ बान्द्रे अढाइथरका २३ वर्षीय अर्जुन सापकोटा र त्यही ठाउँका २२ वर्षीय अवेशिक रेग्मीको मृत्यु भएको बागलुङका प्रहरी निरीक्षक प्रताप पौडेलले जानकारी दिनुभएको छ । बाढीमा परी  त्यही गाउँका २० वर्षीय कमल सापकोटा बेपत्ता भएको प्रहरी निरीक्षक पौडेलले बताउनुभयो । 

प्रहरी निरीक्षक पौडेलका अनुसार सापकोटा र रेग्मीको शव करिब २ सय मिटर तल फेला परेको छ ।   शव परीक्षणका लागि धौलागिरि अस्पताल बागलुङमा लगिएको प्रहरी निरीक्षक पौडेलले जानकारी दिनुभयो । बेपत्ता कमलको खोजी भइरहेको छ । अहिले पनि वर्षा भइरहेको हुँदा खोजीमा समस्या भएको जनाइएको छ ।