झापा । यातायात व्यवस्था कार्यालय झापाले गएको आर्थिक वर्षमा ९३ करोड रुपैयाँ भन्दा बढी राजस्व सङ्कलन गरेको छ । 

यातायात कार्यालयले गत आर्थिक वर्ष २०८०–८१ मा ९३ करोड २१ लाख ६६ हजार ८  सय १३ रुपैयाँ राजस्व सङ्कलन गरेको हो । कार्यालयले आव २०७९–८० को तुलनामा ५ करोड १४ लाख ७९ हजार ५ सय ६६ बढी राजस्व सङ्कलन गरेको हो । 

यातायात व्यवस्था कार्यालय झापाका निमित्त प्रमुख गोपीचन्द्र बोहराका अनुसार आव २०७९–८० मा  ८८ करोड ६ लाख ८७ हजार २ सय ४७ रुपैयाा राजस्व सङ्कलन भएको थियो । गत आव २०८०–८१ मा २० हजार ६३ कूल सवारी दर्ता हुँदा १९ हजार ९ सय २० सवारी चालक अनुमतिपत्र वितरण भएको उहाँले बताउनुभयो । यसैगरी कार्यालयले सवारी जाँचपास ११ हजार चार सय ४१ र रुट अनुमति पाँच सय ३४  दिएको थियो । 

गत आव २०८०–८१ मा सबैभन्दा धेरै ७ हजार ६ सय १५ मोटरसाइकल दर्ता हुँदा १ हजार ७ सय ५ इ–रिक्सा दर्ता भएको यातायात व्यवस्था कार्यालय झापाले जनाएको छ । कार्यालयका अनुसार बस एक सय ५६, मिनिबस १०, माइक्रोबस १८, जिप एक सय ६०, कार दुई सय ७०, भ्यान एक सय ३६, पिकअप एकस २९, ट्र्याक्टर एक सय ४५, ट्रक ७८, मिनिट्रक १४ टिपर १४ गत आवमा दर्ता भएका छन् । 

दर्ता भएका जम्मा सवारीमध्ये १ हजार २ सय ५७ सार्वजनिक,  ९ हजार ४ सय ४९ निजी, ११ सरकारी, १३ लिलाम दर्ताका र १ हजार ९ सय ७५ सवारी सरुवा दर्ताअन्तर्गत रहेको यातायात कार्यालय झापाले जनाएको छ ।  

निमित्त कार्यालय प्रमुख बोहराले साताको चार दिन (आइतबारदेखि बुधबार) चालक अनुमतिपत्रको लिखित परीक्षा र हप्ताको पाँच दिन ९आइतबारदेखि बिहीबार० चालक अनुमतिको प्रयोगात्मक परीक्षा सञ्चालन हुने गरेको जानकारी दिनुभएको छ।