काठमाडौँ । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले बहुदलीय प्रजातान्त्र र गणतान्त्रिक व्यवस्थाको सम्बन्धमा कांग्रेस र एमालेबीच मतभेद नरहेको बताउनुभएको छ । 

नेपाल निजामती कर्मचारी युनियनको स्थापना दिवसको अवसरमा  आज काठमाडौँमा आयोजित कार्यक्रमलाई सम्बोधन गर्दै उहाँले प्रजातन्त्र र गणतन्त्रको रक्षका लागि कांग्रेस र एमोलबीच कुनै मतभेद नरहेको बताउनुभएको हो ।  

उहाँले भभन्नुभयो,‘प्रजातन्त्रिक प्रणालीलाई हामीले जोगाउनु छ। त्यसमा हामी सबै लाग्नुछ। यसका सम्बन्धमा आफ्ना आफ्ना मतभेद होलान्। तर यो बहुदलीय प्रजातान्त्रिक प्रणाली र गणतान्त्रिक व्यवस्थाको सम्बन्धमा हामी दुई पार्टीका बीचमा कुनै मतभेद छैन। त्यसकारण हाम्रो पूराका पूरा समर्थन छ ।’

देशको अवस्था चुनौतिपूर्ण रहेको भन्दै उहाँले चुनौतीलाई बुझेर कर्मचारीले काम गर्न आवश्यक रहेको बताउनुभयो । 

उहाँले एमाले र काँग्रेस मुख्य प्रतिस्पर्धी राजनीतिक दल भएको उल्लेख गर्दै कतिपय ठाउँमा समस्या भएपनि समस्याको समाधान गर्नु नै आफूहरूको कर्तव्य भएको उल्लेख गर्नुभयो । 

उहाँले भन्नुभयो ‘अहिलेको बेला चुनौतिपूर्ण ढंगको अवस्था पनि छ। कहाँ चुनौति छ, सबैले बुझ्नुभएको छ।  यसमा चिन्ता लिनुपर्दैन। मलाई विश्वास छ, ओलीजी र मैले मिलेर, अरु साथीहरूले मिलेर पनि अहिले प्राप्त संघीय लोकतान्त्रिक गणतन्त्रको व्यवस्थालाई अझ बढी स्थायी गराउनुपर्छ।’